“Bu gün Bakıda Türkdilli Ölkələrin və Toplumların II Media Forumunda Bəyannamə qəbul olunacaq”. Bunu Prezident Administrasiyasının İctimai-siyasi şöbəsinin müdiri Əli Həsənov söyləyib. Əli Həsənov deyib ki, bəyannamədə türkdilli ölkələrin və toplumların media qurumlarının və informasiya orqanlarının əməkdaşlığı məsələsi əksini tapıb. Onun sözlərinə görə, Bəyannamədə türkdilli ölkələrin və toplumların media orqanlaının və informasiya qurumlarının Koordinasiya Mərkəzinin yaradılması məsələsi də yer alacaq: “Biz istəyirik ki, türkdilli ölkələrin və toplumların rəsmi qurumları və QHT-ləri arasında əməkdaşlıq eyni zamanda media orqanları və informasiya qurumları arasında da qurulsun. Bu gün keçirilən Forumda bu məsələlər müzakirə olunacaq”.
Əli Həsənov bildirib ki, əgər Forumda təklif olarsa və dəstəklənərsə, türkdilli ölkələrin və toplumların ortaq informasiya agentliyinin yaradılması məsələsidə Bəyannamədə əksini tapa bilər.
