Bu gün Azərbaycanın BMT-nin Təhlükəsizlik Şurasına üzvlüyü məsələsinə baxılacaq. BMT Təhlükəsizlik Şurasının (TŞ) 5 yeni qeyri-daimi üzvündən 4-nün adı məlum olsa da, Şərqi Avropanı qurumda təmsil edəcək ölkənin adı hələ də müəyyən olunmayıb. Bu yer uğrunda mübarizə Azərbaycan və Sloveniya arasında gedir.
Qeyd edək ki, Azərbaycanın Şuraya seçilməsi üçün 15 səs toplamağı kifayətdir. Bu yer uğrunda digər iddiaçı Macarıstan səsvermənin ilk raundundan sonra üç ölkə arasında ən az səs toplamaqla mübarizəni dayandırıb. Səsvermənin 4-cü və 5-ci raundlarında Azərbaycanla Sloveniya arasındakı səs fərqi təxminən bərabər olub: 93 səs Azərbaycanda, 96 səs isə Sloveniyada olub. 6-cı raundda Azərbaycan artıq Sloveniyanı 1 səs üstəliyib: 96 - 95 . 7-ci raundda da Azərbaycan 9 səs fərqi ilə Sloveniyanı üstələyib: 100-91.
