Bakı Slavyan Universitetinin tələbələrinin Çexiyanın Azərbaycandakı səfiri ilə görüşüb
Bakı Slavyan Universitetinin (BSU) ictimai fəal tələbələri Çexiyanın Azərbaycandakı fövqəladə və səlahiyyətli səfiri Radek Matula ilə görüşüblər.
Çexiyaşünas tələbələrin təşkili ilə baş tutan görüşdə həmçinin Azərbaycan Tələbə Gənclər Təşkilatları İttifaqının (ATGTİ) Beynəlxalq əlaqələr departamentinin direktoru Rəna İbrahimova və onun müavini Adilə Kərimova da iştirak edib.
Görüşün əvvəlində Azərbaycan və Çexiyanın hökumətlərarası əlaqələrindən bəhs edən qısametrajlı film nümayiş etdirilib.
Görüşdə BSU tələbələri ATGTİ-nin yaranma tarixi, fəaliyyət istiqamətləri və məqsədləri haqqında geniş məlumat veribər. Daha sonra təşkilatın bir illik fəaliyyətini əks etdirən təqdimat nümayiş etdirilib.
Sonda tələbələr onları maraqlandıran Azərbaycan və Çexiya arasında mədəniyyət, elm-təhsil, tələbə mübadiəsi mövzularıyla bağlı sualları səfirə ünvanlayıblar və səfir Radek Matula ilə xatirə şəkili çəkdiriblər.
Bakı Slavyan Universitetinin tələbələrinin Çexiyanın Azərbaycandakı səfiri ilə görüşüb
