"Remedium" Hüquq Mərkəzi Amerika Birşləşmiş Ştatlarının Azərbaycandakı səfirliyinin maliyyə dəstəyi ilə həyata keçirilən "Öyrən,tətbiq et, öyrət, təşviq et" layihəsi çərçivəsində insan hüquqları mövzusunda fotoşəkil məqalə, qısametrajlı film müsabiqəsi elan edib.Təşkillatın əməkdaşı Fərhad Mehdiyev Beynəlxalq Mətbauat Mərkəzində keçirilən tədbirdə məlumat verib.
Onun sözlərinə görə, layihənin məqsədi insan hüquqları və azadlıqlarının maarifləndirilməsi fəaliyyətinə yaradıcılıq qabiliyyəti olan insanalrı cəlb etməkdir. Layihə çərçivəsində layihəni işıqlandıran sayt və facebook sosial şəbəkəsində səhifə yaradılacaq. Azərbaycan və ingilis dillərində məqalələr, filmlər, fotolar, təlimlərin videoları, layihə və onun yekunu haqqında məlumatlar yerləşdiriləcək.
