Avqustun 5-dən 14-dək Azərbaycan Respublikasının dövlət müstəqilliyinin 20 illiyinə həsr edilmiş “Baku Оpen - 2011” beynəlxalq şahmat festivalı keçiriləcək. Ümumi mükafat fondu 50 min Avro təşkil edən ənənəvi turnirin təşkilatçıları Gənclər və İdman Nazirliyi və Azərbaycan Şahmat Federasiyasıdır. İsveçrə sistemi üzrə 9 turdan ibarət olacaq festival çərçivəsində 3 turnir (A, B və uşaq turniri) keçiriləcək. Festivalın A və B turnirləri Novxanı qəsəbəsindəki “AF HOTEL”də, uşaq turniri isə eyni tarixlərdə Respublika Şahmat Mərkəzində təşkil olunacaq. Ötən il keçirilmiş turnirdə Azərbaycan idmançıları ilə yanaşı, Türkiyə, İran, Rusiya, ABŞ, Hindistan, Ukrayna, Macarıstan və digər ölkələrin şahmatçıları mübarizə aparıblar.
“Baku Оpen - 2011” şahmat festivalı keçiriləcək
